كتير مننا سمع عن امتحان التويفل للانجليزي وقرر يستعد عشان يدخله .. فى البوست دة هتكلم عن تجربتي الشخصية مع الامتحان وازاى ممكن تجيب فيه السكور المطلوب
معلومات عامة عن الامتحان
يعني اختبار للناس اللى مش بيتكلموا انجليزي كلغتهم الأم Test Of English as a Foreign Language هو ال TOEFL ال –
الامتحان دة بيبقي مطلوب لو هتقدم على دراسات عليا (ماجستير أو دكتوراه أو زمالة أو ما إلي ذلك) فى دولة أجنبية – مش شرط تكون الدولة دى لغتها الرسمية الانجليزية زى المانيا مثلا .. وبيبقي شرط لقبولك للدراسة فى الجامعة أو المعهد فى الخارج
internet-Based TOEFL ودة بيبقي على الانترنت TOEFL iBT فى نوعين من الامتحان – Paper-Based Test ودة بيبقي امتحان ورقي TOEFL PBT والنوع التاني هو .. أغلب الجامعات دلوقت بتطلب الانترنت .. ودة اللى هتكلم عنه فى البوستات اللى جاية
Educational Testing Services (ETS) اللى بيعمل الامتحان مش الجامعات ولا المعاهد اللى بتقدملها .. بيعمل الامتحان مؤسسة اسمها – وبتبقى مسئولة أنها تديك درجتك الموثقة فى الامتحان تبعتها للجهة اللى مقدم على الدراسة فيها .. أو بتخليها هيا تبعت درجاتك مباشرة
تكلفة الامتحان 160 دولار –
عشان تحجز معاد امتحان .. هتعمل أكاونت على الموقع دة وخلي بالك من اليوزر نيم والايميل والباسوورد عشان دة هيبقى كل تعاملك من خلاله .. اوعى تنساهم – وأنت بتحجز بيطلب منك أنك تختار مكان تمتحن فيه من مجموعة من الأماكن المعتمدة فى مصر .. من الأماكن المشهورة فى القاهرة الجامعة الامريكية فى التحرير وشركة اميدايست فى الدقي هتدفع عن طريق فيزا الانترنت .. لو مش معاك فيزا انترنت يبقي ممكن تعرف مراكز الامتحان المتاحة من على النت وتروح هناك تدفع ويعملولك الاكاونت وكل حاجة فى أماكن دلوقت فى محافظات كتير فى مصر .. والمراكز المعتمدة فى ازدياد مستمر خلى بالك أن مش كل سنتر بيدي كورس تويفل بيكون معتمد أنك تمتحن فيه
هتلاقيها فى اللينك دة ETS فى مجموعة من المتيريال اللى هتساعدك تحضر نفسك للامتحان منزلاها – الموقع دة لازم يبقي صديقك الصدوق طول فترة تجهيزك للامتحان بيشرحوا فيه نظام الامتحان وكل ما يتعلق بيه .. ممكن تحمله من هنا ETS ودة اللي ناشره TOEFL Official Guide فى كمان كتاب
سكورك فى الامتحان بيفضل صالح لمدة سنتين .. بعدها بيبقي سكورك مش معتمد ومينفعش تبعته للجامعة .. بتضطر تدخله تاني –
Reading, Listening, Speaking, Writing :امتحان التويفل بيختبر مهارات اللغة الأربعة – كل جزء منهم عليه سكور من 30 .. وبكدة مجموع درجتك فى الامتحان بتبقى من 120
الامتحان مفهوش نجاح وسقوط .. انت بتقدم على جهة بتقول أنا هقبلك للدراسة لو جبت سكور يتعدى 80 مثلا .. فأنت بتزاكر عشان تجيب أعلي سكور مش عشان تنجح – طبعا كل ما سكورك بيعلي كل ما بيبقي منافستك أعلي .. عشان أكيد فيه عشروميت واحد غيرك مقدم على نفس برنامج الدراسة
نصائح عامة
أول حاجة متدخلش امتحان التويفل غير لما تبقى عارف الجهة اللى هتقدملها عايزاه من ضمن متطلبات القبول ولا لأ – International English Language Testing System ودة ال IELTS ليه؟ عشان فى جامعات كتير وخصوصا فى أوروبا بيطلبوا امتحان تاني غير التويفل اسمه ودة بتعمله جهة تاني ونظامه مختلف عن التويفل حتي وإن كان فى تقارب فى الخطوط العريضة
ماتدخلش الامتحان غير وانت عارف أنك هتستخدم السكور بتاعك دة فى خلال السنتين اللى جايين .. يعني مثلا ماتدخلوش وانت فى سنة أولى كلية – على ما تتخرج وتقدم على حاجة هيكون السكور بتاعك مابقاش ينفع تقدم بيه
لازم تدخل الامتحان وانت عارف نظامه بالظبط والأسئلة شكلها ازاى وأنت هتحلها ازاى وكل ما يتعلق بالامتحان .. ماتسيبش حاجة لعنصر المفاجأة –
اتدرب كتير .. كتير أوى .. كتير جداا .. كتير خالص .. اتدرب على قد ما تقدر عشان دة هيكسر رهبة الامتحان –
مفيش وقت محدد للتحضير للامتحان .. يعنى فى ناس بتحضرله فى شهر . فى ناس بتزاكرله فى شهرين .. فيه ناس أكتر – مش مهم هتحضرله فى قد ايه وقت عشان كل واحد ليه ظروف وقته المختلفة .. المهم ماتدخلش الامتحان غير لما تكون راضي عن أداءك فى فترة المزاكرة وهتعرف فى البوستات اللى جاية ازاى تدرب بشكل كويس
ابدأ مزاكرة وبعد ما تقيس نفسك هتاخد وقت قد ايه مزاكرة بالتقريب .. احجز معاد الامتحان عشان دة هيجبرك تزاكر فى الوقت المحدد وتتدرب كتير –
ممكن لو أول مرة دخلت الامتحان مجبتش السكور المطلوب .. ادخله تاني متيأسش –
(آخر نصيحة التويفل دة لا يقيس قدرتك على فهم أو التحدث باللغة الانجليزية ولا أى بتنجان (وهتشوفوا دة فى البوستات اللى جاية – التويفل ما هو إلا امتحان هتعرف نظامه ايه وازاى تحله عشان تجيب سكور عالى .. وبس كدة 😀 وكأثر جانبي لمزاكرتك للامتحان هتلاقي مستواك فى الانجليزى اتحسن شوية
يلا نبدأ
فى البوستات اللى جاية … هبتدى اتكلم عن جزء جزء فى الامتحان ونظامه ايه وازاى تجيب فيه سكور هنستخدم تلات برامج للتدريب والتحضير .. نزلهم لحد ما نبدأ مع كل جزء
ودة مستواه سهل .. لو استكفيت بالتدريب على نظام الامتحان منه هو بس مش هتجيب سكور عالي أوى .. نزله من هنا Longman ال –
ودة مستواه متوسط .. وهتستمتع بالمزاكرة منه .. نزله من هنا Barron –
ودة مستواه أعلي والتدريب على النماذج اللى فيه هتعلي سكورك جداا .. نزله من هنا Cambridge وآخر حاجة –
لو انت مش مهتم بامتحان التويفل بس تعرف حد ناوي يدخله ممكن تعمله شير للبوست دة .. خلاصة تجربة شخصية حابب أى حد يستفاد منها – 🙂 🙂
….. انتظروا البوستات القادمة
تعديل: ممكن دلوقت تزاكر كل الاجزاء من اللينك دة
https://abdelrahmanhosny.wordpress.com/category/toefl-ibt/
مستنين الباقى يا عبده 😀
LikeLiked by 1 person
جميل 🙂
LikeLiked by 1 person
انا داخله اولي ثانوي لو زاكرت ورحت وامتحنت هيفيدني في حاجة
LikeLike
لو حضرتك هتقدمي علي جامعات برة مصر بعد ثانوية عامة .. يبقي خلي الموضوع في بالك وابتدي حضريله من دلوقت .. بس متدخليش الامتحان غير في اخر ثانوية عامة عشان السكور اللي هتجيبيه صالح لمدة عامين بس .. فلو دخلتي الامتحان دلوقت مش هتعرفي تستفادي ب السكور لما تيجي تقدمي علي الجامعات للدراسة برة ..
لو مش ناوية تدرسي برة مصر بعد الثانوية العامة يبقي الامتحان مش هيفيدك بحاجة متاخديهوش
LikeLiked by 1 person
متفقة جدا معاك إن الاستعداد للامتحان بيختلف من شخص لأخر
يعني أنا لما دخلت اول مره ذاكرت في اسبوعين
(الانجليزي بتاعي كويس الحمد لله )
لما دخلته بعدها بـ 3 سنين ذاكرت في أسبوع
علشان كانت تاني مره
🙂
LikeLiked by 1 person
دة فعلا بيحصل .. بتختلف من شخص لشخص .. ونفس الشخص لما بتختلف ظروفه بيختلف تحضيره
لو حابة تشاركيني فى تجربتك وعندك نصايح حابة تقوليها واكتبها معاهم هبقي شاكر جدا لمجهودك 🙂
الموضوع فعلا فى ناس كتير تايهة .. وممكن نفيد بأي تجربة لينا
LikeLike
جزاك الله كل خير .. أهم سؤال عندى وأتمنى تجاوبني عليه .. هل
materials اللي بدرب عليها
هي هي اللى بتيجي في الامتحان ولا بتختلف؟؟؟؟؟
LikeLike
لا ممكن تدخل تلاقي حاجة مختلفة .. هي الفكرة أن المتيريال بتخليك تتدرب علي أسلوب الحل والمواضيع اللي ممكن تيجي
لكن تجربتي أن المواضيع بتيجي مختلفة عن اللي ذاكرته .. بس بتبقي في نفس المجال تقريبا
LikeLike
كلام حميل جدا انا استفدت منه كتيير 🙂
LikeLike
أولا جزاكم الله خيراً كثيراً كبيراً على مجهودك
لي بعض الملاحظات لو معندكش مانع
1- “اقصد وقت السماع”أحسب إنه الأرقام الي انت حاطتها كتوقيت للامتحان مش مظبوطة
يعني وقت السماع بيديك 10 دقائق لكل مجموعة اسئلة “17 سؤال” فبيكون المجموع 20 دقيقة لل34 سؤال او 30 دقيقة لو فيه سؤال تجريبي
الفكرة إنه مش بيحسب الوقت غير والاسئلة شغالة ودا بالتالي بيعني أنهممكن الوقت دا يضرب في 2 لكن مش هيوصل إنه يكون نفس وقت القراءة
2- سلسلة المحاضرات دي مفيدة جداً ومش عارف هل حضرتك بتستخدمها في الكتابة ولا لأ بس هي هتكون شئ كويس جداً ومفيد
https://www.youtube.com/user/NoteFulldotcom/playlists
مرة ثانية جزاكم الله خير وأثقل موازينك بهذا العمل
LikeLiked by 1 person
شكرا جزيلاً يا حسن على اضافتك
بالفعل وقت الأسئلة 10 دقايق لكل مجموعة أسئلة .. بس الوقت اللى كاتبه هو الوقت الكلي للاستماع شامل فيه الأسئلة ووقت المحاضرة أو المحادثة اللى بتسمعها
تسمحلي احط لينك سلسلة المحاضرات دى فى البوست كاضافة منك؟
أنا مجربتهاش لما دخلت الامتحان .. بس مادام فى حد جربها وشايفها كويسة يبقي نفيد الباقي بيها
LikeLike
انا لسه داخل الامتحان امبارح
بصراحة الراجل دا والمجموعة الي معاه فعلاً أفادوني أشد إفادة و الاستراتيجية الي بيفصصوا بيها
كل سؤال في كل جزء من الامتحان رهيبة ومتجربة
يعني هو ماسك كل نوع اسئله في كل جزء من الامتحان وبيقول هتتسأل في إيه وأفضل الاستراتيجيات لحل السؤال دا عشان تجيب أعلى أرقام
أنا صديق الي قالي عليها مش انا الي عرفتها لوحدي
حضرتك شوفها ولو حسيت إنها مناسبة في وسط المقالة توكل على الله وحطها ومش فارق مين الي حاطتها المهم الناس تستفيد
نفع الله بك 🙂
LikeLiked by 1 person
كلام حضرتك منظم وعرفني المفروض هعمل ايه
دخلت على موقع http://www.testden.com/challenge/free-toefl.asp
ودخلت تست وكنت بدور على كورسات تساعدني في رفع درجتي ..خلاصة تجربتك جت في وقتها بجد
🙂 جزاك الله كل خير
LikeLiked by 1 person
IPT السلام عليكم شكرا على المجهود دورة تحضير التوفل هل هي مهم اخذها
LikeLike
أي دورة تقصد؟
لو قصدك على الامتحان نفسه .. ف الامتحان مطلوب لو هتقدم على دراسة فى جامعات خارج مصر
LikeLike
اقصد دورة اعداد للتوفل
بيعطونا كتاب long man و cabredge
وبيشرحو منو
LikeLike
الكتابين كويسين جدا
اهم حاجة تشان تستفاد من الدورة انك تتابع معاهم وتتدرب اول ب اول
LikeLike
لوسمحت انا حجزت امتحان السبت
وهما طالبين رخصة قيادة اوجواز سفر والاتنين غير متوفرين قالو ممكن تاجل ب60دولار والوقت مش فى صالحى
LikeLike
Thank u sooo much
LikeLike
انا بصراحة معرفش اى شىء عن التويفل بس استفدت كتير بس صدمت انو مطلوب جدا فانا دلوقت مش عارف اعمل ايه
ارجوك مستر عبدالرحمان فيدنى وقولى ايه اول خطوة اعملها دلوقت رجاءا ساعدنى
LikeLike
هل حضرتك بتخطط لاستكمال دراستك بالخارج؟ امريكا؟ اوروبا؟
LikeLike
السلام عليكم
رجاء مستر عبدالرحمن توضحلى اذاكر ازاى ال 3 اجزاء للامتحان لو مع حضرتك ماتريال او ارشاء من اول المذاكره لحد الامتحان وياريت توضح شكل للامتحان يبقى افضل بنموذج لل test
LikeLike
في البوست دة في مقدمة عن طريقة الامتحان وشكله وفي تلات لينكات لماتيريال تنزليهم عشان تشوفي شكل الامتحان بنفسك
https://abdelrahmanhosny.com/2014/11/09/%D8%B9%D8%A7%D9%8A%D8%B2-%D8%A7%D9%85%D8%AA%D8%AD%D9%86-%D8%A7%D9%84%D8%AA%D9%88%D9%8A%D9%81%D9%84-%D9%85%D9%82%D8%AF%D9%85%D8%A9/
بالنسبة للجزء الاول من الامتحان، شرح طريقة التدريب والحل فى البوستين دول
https://abdelrahmanhosny.com/2014/11/11/%D8%A7%D9%84%D8%AC%D8%B2%D8%A1-%D8%A7%D9%84%D8%A3%D9%88%D9%84-reading-section-%D8%B9%D8%A7%D9%8A%D8%B2-%D8%A7%D9%85%D8%AA%D8%AD%D9%86-%D8%A7%D9%84%D8%AA%D9%88%D9%8A%D9%81%D9%84/
https://abdelrahmanhosny.com/2014/11/22/%D8%A7%D9%84%D8%AC%D8%B2%D8%A1-%D8%A7%D9%84%D8%AB%D8%A7%D9%86%D9%8A-reading-section-%D8%B9%D8%A7%D9%8A%D8%B2-%D8%A7%D9%85%D8%AA%D8%AD%D9%86-%D8%A7%D9%84%D8%AA%D9%88%D9%8A%D9%81%D9%84/
الجزء الثاني
https://abdelrahmanhosny.com/2014/12/14/listening-section-%D8%B9%D8%A7%D9%8A%D8%B2-%D8%A7%D9%85%D8%AA%D8%AD%D9%86-%D8%A7%D9%84%D8%AA%D9%88%D9%8A%D9%81%D9%84/
الجزء الثالث
https://abdelrahmanhosny.com/2014/12/25/%D9%8Dspeaking-section-%D8%B9%D8%A7%D9%8A%D8%B2-%D8%A7%D9%85%D8%AA%D8%AD%D9%86-%D8%A7%D9%84%D8%AA%D9%88%D9%8A%D9%81%D9%84/
الجزء الرابع
https://abdelrahmanhosny.com/2014/12/29/writing-section-%D8%B9%D8%A7%D9%8A%D8%B2-%D8%A7%D9%85%D8%AA%D8%AD%D9%86-%D8%A7%D9%84%D8%AA%D9%88%D9%8A%D9%81%D9%84/
بالتوفيق
LikeLike
موضوع ممتاز جدا وتجربة أكثر من رائعة
ودة لينك بردة مهم لكل الى بيحضروا لاختبارات التويفل علية تفاصيل وشرح لتوزيع درجات الاختبار ومكونات الاختبار
http://www.arabets.com/p/toefl.html
ودة جروب مهم جدا على فيسبوك علية تجارب ناجحة لكثير حصلوا على درجات فى الاختبار التويفل سواء
TOEFL iBT
TOEFL ITP
http://www.facebook.com/groups/Way2IELTSTOEFL
جزاك الله كل خير أخى الكريم عبد الرحمن حسنى
LikeLiked by 1 person
انا محتاج اتكلم معاك فون او ميل فيس ب اى شكل ممكن
لو سمحت
LikeLike
ابعتلي رقمك علي الايميل وانا هكلمك يافندم
abdelrahman.hosny@ieee.org
LikeLike
معلش انا اسف بس مش عارف اتواصل معاك من خلال الايميل ده
ممكن ميل فيس بوك
وده الميل بتاعى m.omar850@yahoo.com
LikeLike
السلام عليكم ورحمة الله وبركاته انا مدرس English وانا محتاج التويفل جدا فى السفر علشان مطلوب فى دول الخليج
LikeLike
اقدر اساعد حضرتك ازاي؟ تحت امرك
LikeLike
انا كنت بعت لمركز جروسكيلز GrowSkills رسالة بحيث أعرف منهم نظام الدراسة
لأن كثيير بيشكروا فية وكدة ..
لأن هناك فى ميزة فى الدراسة
.
– من شروط التقديم للدراسة أن يكون مستوى مقدم الطلب لا يقل عن مستوى متوسط فى اللغة
B1 – Intermediate
.
مواعيد اختبارات تحديد المستوى فقط يوم الثلاثاء من 10 ص وحتى الساعة 10 مساءا
.
نظام دراسة وتحضير اختبارات توفل TOEFL iBT Prep.
– اجمالى عدد ساعات الدراسة 32 ساعة دراسية
– 2 محاضرة فى الأسبوع
– المحاضرة تستمر لمدة 3 ساعات دراسية
– الدراسة عبر نظام ETS Soft من خلال برامج Computerize نظرا لأن الاختبار قائم على الانترنت
– مجموعات الدراسة لا تزيد عن 10 طلاب فى المجموعة الواحدة
.
رسوم الدراسة والتحضير 1250 جنيها مصريا تشمل على
– Materials
– Cds
– Booklet
– MOCK Exams + Simulation وهى اختبارات تجريبية
بالتوفيق للجميع ان شاء الله
LikeLiked by 1 person
انا كمان محتاجة اتكلم مع حضرتك فون او فيس
محتاجة اعمل الامتحان دا وخايفة جدا مع اني ضروري تحصل عليه
LikeLike
اولادي راحو امتحنوا تحديد مستوى لكن حصلوا علي سكور اقلم من المطلوب لدخول كورس ما قبل التوفل واحنا مسافرين خلال شهرين امتحنا في اميد يست
LikeLike
مساء الخير عندى مشكلة فى جزء الخاص speaking و عايزة حاجة ادرب منها امتحانى بعد شهر
LikeLike
ممكن تقري البوست دة
https://abdelrahmanhosny.com/2014/12/25/%D9%8Dspeaking-section-%D8%B9%D8%A7%D9%8A%D8%B2-%D8%A7%D9%85%D8%AA%D8%AD%D9%86-%D8%A7%D9%84%D8%AA%D9%88%D9%8A%D9%81%D9%84/
وبعده شوفي فيديوهات علي يوتيوب بيتكلموا ازاي فى اجابة الأسئلة
بالتوفيق
LikeLike
لو سمحت يا عبدالرحمن كنت عايز اعرف المراكز المعتمده لاعطاء اختبار التوفل وياريت في اسكندريه
LikeLike
ممكن تدخل علي الموقع دة يا عبدالله
https://www.ets.org/toefl
واعمل
Register
للامتحان وحدد المدينة اسكندرية هيطلعلك المراكز المعتمدة منهم
مش لازم تكمل تسجيل من الموقع ممكن تسجل في المركز بعد كدة بس تبقي عرفت العنوان من الموقع
LikeLike
محتاج اجهز نفسي جدا لان الجامعة اللي ناوي ع الدراسة فيها طالبة اسكور عالي
LikeLike
لو في أي حاجة اقدر اساعدك بيها في تقديم الجامعات ابعتلي
LikeLike
السلام عليكم ،، انا كنت محتاجة مساعدة ضرورى من حضرتك، المفروض عندى امتحان تويفل فى الجامعة الامريكية فى شهر عشرة الجاى هو ppt وانا مش معايا اى ماتريال خالص ابص عليه وفى نفس الوقت عايزة حاجة تنجزنى فى المذاكرة عشان بشتغل معظم اليوم ومش هقدر ابص فى كتب كبيرة ياريت تساعدنى فى الموضوع ده جزاكم الله كل خير
LikeLike
أنا مدخلتش ال
paper based test
قبل كدة .. فمش معايا ليه ماتيريال
بس مبدأيا، دة نظام الامتحان
http://www.examenglish.com/TOEFL/TOEFL_PBt.html
ودي لينكات تتدربي منه
https://www.ets.org/toefl/pbt/prepare/sample_questions
http://www.grammarbank.com/toefl-pbt-practice.html
LikeLike
لو سمحت هل الكلام دا هيختلف لو هدخل التوفل الاكاديمى(ITP)…….
وهل فعلا النوع دا غير معترف بيه برا مصر
LikeLike
اه هيختلف لو داخلة ال
ITP
وبالفعل مش معترف بيه في اغلب الجامعات برة مصر
لو هتقدمي برة مصر .. يبقي
TOEFL iBT
or IELTS
LikeLike
طيب ممكن حضرتك تساعدنا بمادة تدريبية على امتحان ITP
وهل ده بيتحجز أونلاين من على نفس موقع ETS?
LikeLike
انا للاسف مدخلتش ال ITP فمعرفش تفاصيل عنه
اعتذر للتقصير
LikeLike
سلام عليكم استاذ عبد الرحمن يارب تكون بخير انا هدرس بره مصر ف امريكا ومطلوب مني سكور 23 مينمم فا انا معنديش اى خلفيه خالص عن التوفل وعشان كده روحت الامدايست وحجزت كورس وبدئت معاهم ف اول جزء فى الرايتج بس انا حاسس انى تايه ومش فاهم اى حاجه مع انى فاهم كلام الميس ال بتشرح بس فى التطبيق بطه بلدى فا حضرتك تنصحنى بايه ؟
LikeLike
في العادة الناس بتبتدي بال reading وال listening مش ال writing .. اعتقد الافضل تبتدي بدول عشان دول اللي بيكونوا عندك ثروة لغوية في الاول تقدر تركلم وتكتب منها بعد كدة
LikeLike
جزاك الله خيرا على الافاده.وكنت حبه اسئل هل كل التوفل مستوى واحد يعنى مع كل الاعمار .لان ابنى ١٤سنة وطالع مرحلة الثانوى ومطلوب منه لمنحة لايطاليه
LikeLike
شكرا جزيلا علي التعليق
بالفعل التوفل مستوي واحد لكل الأعمار .. بس ممكن حضرتك تتأكدي من المنحة ممكن تطلب امتحانات تاني تكون أسهل للمستوي العمري دة
لو في أي فرصة اقدر اساعد بيها هكون مستعد بالتأكيد
LikeLike
جزاك الله خيرا
LikeLiked by 1 person
شكرا علي تعبك انا استفدت كتير ربنا يعوضك
انا عندي سؤال هو امتان التويفل الانترناشيونال بيكون من كام ؟ لاني مطلوب مني سكور 400 وبحل امتحان كامبرج فالنتيجه من 120فعايزه اقيم نفسي وشكرا
LikeLiked by 1 person
التوفل الانترناشونال من 120
وهو دة موضوع البوستات دي
TOEFL iBT اسمه
Paper-based test أما اللي مطلوب فيه سكور 400 ف دة في الغالب ال
هتلاقي تفاصيله هنا
http://www.ets.org/toefl/pbt/about
ودي مقارنة بين السكور بتاع الامتحانات
Click to access TOEFL_IELTS_score_comparison.pdf
LikeLike
انا عايزه اخد تويفل ولسه كنت بعرف اي هو وفهمت من البوست ده تقريبا الاساس بتاعه
بس عايزه اعرف التقديم ازاي وفين وابحث فين لان انا لسه معرفش النظام اووي
ياريت تفيدوني
وشكرا
LikeLiked by 1 person
حضرتك مقيمة في أي مدينة؟
LikeLike
لو سمحت انا بحضر ماجستير فى هندسة القاهرة
المفروض انى اقدم شهادة التويفل خلال الاشهر دى والاسكور المطلوب هو 500
فهل لازم امتحن PBT ?
ولا ممكن امتحن IPT ?
وايه هى افضل الاماكن الى ممكن امتحن فيها فى مصر سواء PBT OR IPT ?
LikeLike
الحقيقة انا ما اخدتش ال Paper-based TOEFL قبل كدة .. البوستات دي خاصة بالانترناشونال internet-based TOEFL
ممكن تسألهم في القسم في هندسة القاهرة يقولولك افضل مكان مناسب ليهم
LikeLike
شكرا جزيلا لحضرتك يا بشمهندس عبدالرحمن , لكن هل لو حليت امتحانات كامبريدج سي دي , يكفي ؟ انا بجيب في القراءة متوسط 22 والسماع متوسط 24 طبقا للسكور اللي بيطلع بعد الحل .وهل الامتحان الحقيقي اسهل منه ولا اصعب
LikeLike
أنا محتاج سكور 80 ,
LikeLike
التدريب الاكتر افضل بكل تأكيد .. اللمتحان الحقيقي في نفس مستوي كامبريدج بس انت هتحسه اصعب عشان رهبة الامتحان وان الحاجة هتبقي اول مرة تشوفها اكيد
LikeLike
تمام,لكن هل في اختبار مجاني يقييم كل الاجزاء بما فيها جزء الكلام والكتابة ويكون شكل الامتحان الحقيقي؟
جزاكم الله خير يا بشمهندس ,
LikeLike
مظنش هتلاقي اختبار مجاني يقيم الكتاب والتحدث لان دة بيحتاج مقيم يسمع ويقرا ودة مش هيبيع وقته ببلاش .. لو محتاج ممكن تسأل في مراكز الكورسات زي اميدايست او ممكن بردو تشوف اونلاين حاجة بمبلغ مقدور عليه
LikeLike
معذرة, بس جزء القراءة في كامبريدج في اخيان كتيرة مش بيحدد الفقرة اللي بيسأل فيها خاصة ودي مشكلة طبعا خاصة في أسئلة الاستنباط , فهل الامتحان الحقيقي ممكن بردو يسأل ومش يحدد الفقرة ؟
LikeLike
هو بكل تأكيد مش هيحدد الفقرة .. عشان تحل الاسئلة ممكن تقرا البوست بتاع ال reading وكتبت فيه ازاي تحل السؤال بالظبط وتعرف الفقرة اللي بيتكلم عليها
LikeLike
وهل البرنامج المستخدم في الامتحان بيكون شكل كامبريدج سي دي كدا , نفس الستايل؟
LikeLike
اه بيكون بنفس الستايل الي حد كبير جدا
LikeLike
تمام شكرا جزيلا لحضرتك
LikeLike
لو سمحت لو عاوزة اعرف هو اكيد التويفل الانترناشوال درجته من ١٢٠
LikeLike
اه اكيد
٣٠ ذرجة علي كل سكشن من الاربعة
LikeLike
ما الفرق بين التويفل المحلي والتويفل الدولي وهل هناك مراكز معتمده في مصر غير الامديست وما تكلفة الامتحان حيث اني سمعت ان هناك تويفل ب 900 جنية وهل يكفي كتاب اللونج مان لتحقيق سكور 500
LikeLike
التوفل الدولي معترف بيه في الجامعات الخارجية (اوروبا وامريكا) .. التوفل المحلي معترف بيه داخل مصر فقط
التوفل الدولي ممكن تحجز امتحانه من اميدايست او اونلاين من خلال http://www.ets.org/toefl وتختار المدينة والسنتر اللي عايز تمتحن فيه
التوفل المحلي بيبقي في الجامعات الحكومية واسأل في اقرب جامعة ليك
التوفل الدولي ب ١٨٠ دولار .. المحلي مش عارف
سكور ٥٠٠ يبقي انت محتاج المحلي مش الدولي .. مجربتش ادخله عشان اقولك اللونج مان كافي ولا لأ
LikeLike
السلام عليكم .. أنا أخصائي مكتبات وأحب اللغة الانجليزية وأجتهد في أن أتعلمها .. فهل سيفيدني التويفل في شيء ؟
LikeLike
لا مش هيفيد حضرتك غير لو هتسافر تقدم علي دراسة برة .. غير كدة تكلفة علي الفاضي ومعلومات غير عملية
LikeLike
جزاك الله خيرا …أفدتني كثيرا
LikeLike
لو سمحت عايزه اعرف التوفل المحلى درجته بتتحسب ازاى
يعنى هما 3 اجزاء 140 سؤال لو جبت 100 من 140 الدرجه بتبقى كام من 677 ؟
هل فى طريقه معينه بيتحسب بيها
LikeLike
الحقيقة معنديش خلفية عن التوفل المحلي
LikeLike
نزلت baroon لقيته محتاج user name passward
LikeLike
نزلتي برنامج ايه يقرا ال iso file ؟
في الغالب البرنامج اللي طالب الباسوورد مش بارون
LikeLike
الملفات مش عايزة تنزل 😢😢😢😢
LikeLike
أنا جربت اللينكات دلوقت شغالة .. ممكن تقوليلي انهو لينكات اللي مش شغالة واجرب تاني؟
LikeLike
معتمدة ETS هل المواقع التي تقدم شهادة تويفل غير
LikeLike
ما اعتقدش .. لازم الشهادة تكون من ETS
LikeLike
هو الامتحان بيتعمل ف اماكن ايه ف القاهره؟ وازاي اعمل اكونت وا سجل للامتحان؟
LikeLike
بيتعمل في اميدايست في الدقي .. وفي الجامعة الامريكية في التحرير
دول اشهر مكانين .. لكن في اماكن تانية
ممكن تسجلي من هنا
https://www.ets.org/toefl/
وهتلاقي بردو وانتي بتسجلي الاماكن اللي هتحجزي فيها
LikeLike
لو سمحت انا داخله ثانوية عامه ينفع امتحن التوفل ولا لا
LikeLike
اه ينفع .. بس لو مش هتستخدمي السكور بتاعه في خلال سنتين هتضطري تدخليه تاني
LikeLike
اصل كنت ناويه اقدم ف جامعة زويل ان شاء الله وكنت عايزه امتحنه قبل ما اقدم فيها ف امتي الوقت المناسب ليا عشان امتحن
LikeLike
اتصلي بيهم علي التليفون اسأليهم امتي بالظبط التقديم بيفتح علي السنة اللي انتي هتقدمي فيها .. او شوفي الموقع بتاعهم لو موجود عليه المواعيد
بردو اتأكدي أنهم طالبين التوفل الدولي مش المحلي .. الشرح الوجود في البوستات هنا دة للتوفل الدولي
LikeLike
اصل كنت ناويه اقدم ف جامعة زويل ان شاء الله وكنت عايزه امتحنه قبل ما اقدم فيها ف امتي الوقت المناسب ليا عشان امتحن
LikeLike
لو سمحت هو في مصادر محددة اذاكر منها ممكن اعرف ايه هي المصادر
LikeLike
اذا ممكن طيب انا عايزه رقم تليفون او عنوان الويب وبالنسبه للمكان همتحن فين
LikeLike
ازاكر ازاى فى اقصر وقت ممكن؟
LikeLike